97. Katixa Agirre, liburua zabalik
Mudantza egin berritan, etxea oraindik ere jantzi gabe, pareta zurien artean gaude. Piano bat, mahai bat eta Bilbao zaharrena eta berriena elkartzen diren paisaia parez pare. Katixa Agirre liburuek harrapatuta eta liburuengandik ihesi ibili ohi da. Istorio batetik bestera. Izan balizko munduak marrazten, izan iraganekoak ikertu eta asmatzen. Gasteiztarra gidoigintza irakaslea da EHUn, eta euskal idazle garaikide nabarmenetakoa da. Kafe baten bueltan hartu gaitu bere egongelan.
99. Virginia Garcia, galderen konstelazioa
Itsasotik datorkio unibertsoarekiko miresmena. Bere bi aitonak itsasgizonak ziren, eta izarrak erabiltzen zituzten Ternuarako bide egokia asmatzeko. Pasai Donibaneko bere etxetik itsasoa bertatik bertara ikusi eta entzun daiteke eta nabigazioko tramankuluz betea du egongela. Berak ere zerura begiratzen jarraitzen du, baina, bestelako galderak egiteko. Nondik sortu zen dena? Norbait ba ote da Proxima Centaurin? Planeta espaziotik ikusi zuen lehen aldian aldatu zen bere barrenean. Lur planetako herrialde txiki bateko kostako herri bateko eraikuntza txiki bat du bere etxetzat, eta hantxe hartu gaitu.
98. Albina Stardust, mozorrorik gabe
Burlatako auzogune batean bizi da azken urteotan euskal drag queen ezagunenetakoa bihurtu dena. Leopardo azalaren itxura duen albornozarekin zabaldu dizkigu ateak. Egongelako armairuak Bratz panpinez eta Lady Gagaren objektu eta diskoz beteak ditu. Larrosa eta horia da Eneko Garcia Jaurenaren mundu ikuskera. Albina Stardust bihurtzeak askeago izateko ateak zabaldu zizkion eta ordutik trabestismoan dihardu lanean eta militantzian. Ahoan bizarrik gabe hitz egiten du hetero normatibismoaz, genero arauez eta aske izatearen desiraz. Bere etxeko sukaldean jarri ditugu mikrofonoak.
96. Edorta Jimenez, derrota guztiak dira bidea
Mundakako olatuek itsasertza kolpatzen dute Edorta Jimenezen etxetik metro gutxira. Egongelatik ikusi eta entzun daiteke aparraren zurrumurru amaitezina. Idazleak hormak itsas nabigazio mapaz josiak ditu. Galera handien planoz. Pierre de Lancre inkisidoreak, itsasoa, biderik ez duen bidea zela esaten omen zuen. Edo halaxe oroitu du behintzat Jimenezek. Lurra amaitu zaio eta orain itsasora begira dago, amaitezina baita.
95. Gorka Arrese, liburu ederraren bila
Hogeitamar urtetan zehar Susa Argitaletxeko editore izan zen eta “Egunkaria”ren sorkuntzan parte hartu zuen. Txikitan margotzea maite zuen, eta heldutan margolanak. Arteak txunditzen du eta liburu ederraren bila igaro du bizitza. “Zergatik idazten du idazleak? Aurreko liburua horren ederra iruditzen ez zaiolako”. Baina liburu ederra izateko deabruak bezala idatzi behar da eta hori ezinezkoa da. Ala?
94. Amaia Hennebutte, haurren begietatik
Senpereko XVI. mendeko baserri batean bizi da aktore, idazle eta marrazkilaria. Sagarrondo sail batera ematen du sukaldeak eta atariko mahai bat eskaini digu solaserako. Irudimenaren muinera egiten du Amaia Hennebuttek, haurraren begiradak eskaintzen duen bidezidorretik. Ukrainan eta Libanon ere izan da, gerra guneetan kulturaren eta ipuinen bidez irribarreak pizten. Irakasle izan zen eta bizia sormenari eman dio
93. Oskar Alegria, behien hizkuntzan ari da
Teilatuan zulo bat du Oskar Alegriak. Bertatik argia sartzen zaio etxera. Eta euria ere bai. Lastoa du zoruan eta mahai bat egin du artzain baten bordako atearekin. Mikrofonoak bertan jarri ditugu. Behien hizkera maite du zinemagileak eta behien inguruan solas egitea ere bai. Memoria buztina bezala dela esaten du, eta lanabes gisa erabili izan du bere filmetan. “Barruan gaude” podcastaren seigarren denboraldiko lehen atal hau denboraren kapsula bihurtuko dela dio: "Itzuliko gara hona, edo agian ez gara inoiz hemendik aterako".
99. Virginia Garcia, galderen konstelazioa
98. Albina Stardust, mozorrorik gabe
96. Edorta Jimenez, derrota guztiak dira bidea
95. Gorka Arrese, liburu ederraren bila
94. Amaia Hennebutte, haurren begietatik
93. Oskar Alegria, behien hizkuntzan ari da
Iradokizunak
Hetero
Araua eta arrakala. Bi egoera horien arteko tentsioan bizi dira ipuin hauetako protagonistak. Emakumezkoak dira ia denak, eta nagusiki gizonez ari dira. Haiek euren gorputzetan, memoria afektiboan eta egunerokoan utzitako arrastoez. Gizonekiko espektatibez eta dezepzioez, esan ez ziren sentsazioez.
Aitak, maitaleak, adiskideak ageri dira kontakizunotan. Tesi zuzendari, editore eta militante “idealizatuak”; aldapan behera eta frenorik gabe doan hiru laguneko gorputz bakar bat; Zarautz, Elgoibar, Kubarekiko desira itsua; whatsapp bidezko literatura lezioak; ezin bete diren promesak urpean eta naufragatzen utzitako bizi-puskak; hiltzen jarraitzen duen aita bat, alargun igerilari bat. Tarteko jendearen presentzia aztoragarria eta hizkuntzaren dardara bizia.
Zortzi istorio anitz eta hurbileko bildu ditu Uxue Alberdik (Elgoibar, 1984) bere hirugarren narrazio lanean ( SUSAk, 2024) eta audioliburu formatuan eskaintzen dizu GUAUk, zortzi ataletan banatuta eta egilearen beraren ahotsean.
Twist
Soto eta Zeberio, bahitu, torturatu, hil eta desagerrarazi egin zituzten. Diego Lazkano idazleak gogoan betiko txertaturik daramatza bi lagunak, ezin ditu oroimenetik uxatu. Bi itzal haietatik elikatzen ari da hogeitaka urtetan, Soto eta Zeberioren ordez bizi ote den zalantzarekin, haien ordez bizitzea balitz bezala bere erantzukizuna. Bizitza bakarrean hiru bizitza bizitzea posible balitz bezala.
Norbere larrutik ihes egin eta larru berri bila itsumustuan dabilenaren desafioak, korapiloak, menturak kontatzen ditu Harkaitz Canok nobela honetan. Errua, maitasuna, traizioa, sexua, indarkeria, lotsa, justizia, erredentzioa, usurpazioa, antzezpena... asko dira kontakizun laster eta zabal honetako hariak, baina denen gainetik nagusitzen da adiskidetasunari egindako kantua.
Fakirraren ahotsa
Zer egin dohain bat daukazunean? Erabili, munduari eskaini, eta trukean, arreta jasotzera ohitu. Horixe egiten du Imanol Lurgainek bere ahotsarekin, kantagintza konprometitua besarkatu eta frankismoaren kontra borrokan hasi, “Fakirra” goitizenarekin. Baina, ahotsarekin batera aldatuz joango da bere ikuspegia eta bidaideekiko harremana ere. Borroka armatua, klandestinitatea, erbeste paristarra..., mundua iraultzen saiatu zen belaunaldi baten erretratua da lau hamarkadatan zehar.
Zuzia irenstean erretzen ez dena da Fakirra, minari eztarrian behera bultzatzen diona. Zein ote du benetako ahotsa?
Susak 2018an egindako argitalpenetik eskaintzen dizu audioliburua EITB Mediak.
Gorroto
“Gorroto” podcastak hate-ean du oinarria, pertsonon grisetan. Besteekin gaudenean isilik gordetzen ditugun iritzi edo pentsamenduak mahai gainean jartzeko gunea da, terapia egiteko lekua, beti ere umoretik.
Izan ere, gorrotoa da mundua mugiarazten duen indarretako bat, Maider Uriarte podcasteko gidariaren ustez. Gorrotatzea ez dago gaizki, irizpiderik ez izatea da gaizki dagoena. Psikologoaren kontsultan baleude bezala, gorrotoa marraztuko dute gonbidatuek.
"Gorroto" podcasta ULU Mediak ekoitzi du EITB Mediarentzat.
Salda badugu
Beti esan izan da, euskaldunoi saltseoa asko gustatzen zaigula, baina, orain arte, ez da inor ausartu saltsa horretan sartzen.
Ainhoa Etxebarria eta Alexander Padilla gara eta “Salda Badugu” bideopodcastean Euskal Herriko famatuak elkarrizketatuko ditugu, bizi dituzten krisialdi existentzialei burufamaz galdetu, eta beraien saltsa guztiak komentatzeko. Hori guztia salda goxo-goxo bat hartu bitartean.
Nork Nori Noiz?
Badalaben podcasta da “Nork Nori Noiz?¨, mahai baten bueltan, bikoteka eta parez pare jartzen diren bi pertsonen arteko solasa, edo jolasa.
Bertan aurkituko dituzten karta joko eta bestelako objektuek eskainiko dieten espazio ludikoa gorputzez, etorkizunaz, hizkuntzaz, sorkuntzaz eta nahi bestez hausnartzeko.
GUAUk eskaintzen dizun edukia, Badalab-en podcasta da eta Hiru Damatxok ekoitzi du.
Benetan zabiz?
"Benetan zabiz?" Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako asmoz sortua. Astez-aste gonbidatu ezberdin batekin solasten dira, aho bizarrik gabe.
Oihane Alonsoren esku dago produkzioa eta edizio lana. ON TIMEk egiten du ekoizpena.

