4. Txokolata
Txokolata urmaelean bapo bizi da oihaneko bere lagunekin. Halako batean, ordea, hirira joateko grina piztu zaio. Hirian eguna botako du eta lagunei opari batzuk ekarri nahi izan dizkie. Oihanera iritsitakoan, egin duen bidaiaren berri eman die bere laguntxoei eta ilunduta, lo hartu dute denek izarrei begira.
5. Titirimari
Titirimari printzesari ez zaio bere erresumako bizimodua gustatzen eta ihes egingo du bertatik. Asto bat topatu eta munduan barrena abiatuko da. Bufaldino astoak eta biek Godofredo erregea topatu dute bidean. Erregea triste dago, mustro batek Wendolina alaba bahitu duelako.
Titirimarik, Betijan eta Betigose munstroaren eskuetan dagoen Wendolina erreskatatzea jarri du helburu. Beste hainbat abentura bizi ondoren, maitemindu egin dira bi printzesak eta ezkontzea erabaki dute.
3. Ipuina bete otso
Otsoz betetako ipuin honetan, tankera guzietako otsoak janari bila abiatuko dira eta ipuineko hizki, letra eta irudien arten jolasean arituko dira orrialdetik orrialdera jauzi eginez. Azkenean, ipuinaren hasierara bueltatzeraino.
2. Ez da ahotsik behar
Animalia guztiek dute nork bere ahotsa. Eta ahotsaren bitartez maitasuna adierazi diezaiokete elkarri eta gauza politak esan. Zaunkaka, irrintzika, marruka, uluka, orroka... bakoitzak bere modura.
1. Luka ostruka
Luka Ostruka Afrikako sabanan bizi da. Gauetan, burua lurpean sartu eta isatsa airean duela egiten du lo.
Goiz batean, ordea, lurpetik ezin izan du burua atera. Eta sabanako lagun guztiek lagundu behar izan diote, halako batean burua atera arte. Guraso ostrukak ez ezik, antilope eta zebrak ere bai. Hori estuasuna!
5. Titirimari
3. Ipuina bete otso
2. Ez da ahotsik behar
1. Luka ostruka
Iradokizunak
Kuku!
"Kuku!" etxeko txikienei eskainitako ipuin bilduma da, entzun eta ikusteko. Haurrari pentsatzeko bidea jarri nahi dion ipuin bilduma. Haurrak aniztasunean eta baloreetan hezteko tresna, entzumena landuz eta irudi geldoekin, irudimena martxan jartzeko bidea eskura jarriz.
Kuku!
"Kuku!" etxeko txikienei eskainitako ipuin bilduma da, entzunez haurrari pentsatzeko bidea jarri nahi diona. Haurrak aniztasunean eta baloreetan hezteko tresna bat, entzumena landuz irudimena martxan jartzeko bideak eskura jarriz.
Sara eta Paul: Transformerrak
Sara eta Paul nerabezaroan murgildu dira. Bizi esperientzia berriak, erronka berriak, lagun berriak… Mario, brasildar mutiko beltza, eta Izar, gitarra jole eta abeslaria, ezagutuko dituzte. Udako oporretan, elkartu eta musika taldea sortuko dute. Eta bidean, jakina, makina bat buruhauste eta komeria biziko dituzte. Amodio istorioak tarteko. Aniztasun eta berdintasunean, beti.
Sara eta Paul: Denok elkarrekin!
Sara, Paul, Izar eta Marioren arteko harremana aldatu egin da ikasturte honetan. Sarak eta Izarrek, eskola berean jarraitzen dute, eta jakina, lagunak dira. Baina mutilekiko harremana aldatu egin da. Mariok, herrian jarraitzen du, baina eskolaz aldatu da eta lagunez ere bai. Nola nahi, Paulena da aldaketa handiena. Aragoiko herri txiki batera joan behar izan du bizitzera, amak eta haren bikotekideak jatetxea zabaldu dutelako bertan.
Paul ez dago gustura aldaketarekin. Amarekin haserre, eskolakideekin haserre, amaren bikotekidearekin haserre; bere buruarekin haserre bizi da.
Sara eta Paul: Abenturak
Sara eta Paul Lehen Hezkuntzako bi lagun dira. Sara, neska itsua, adimen handikoa, eta Paul, bullyingaren biktima; hitz totela, hortzeria itsusikoa, guraso dibortziatuen seme bakarra, baina, mutil dibertigarri eta baikorra. Bizikidetza inklusiboa sustatzen dute, gizarteak eskaintzen duen "arrakasta" ereduetatik urrunduz.
Bernando Atxagaren "Logalea zeukan ekilibristaren kasua" oinarri.
#10garrena
"#10garrena" fikziozko serie distopikoa da Bertsolaritza ardatz hartuta. Bederatzi izan dira orain arteko bertsolari txapeldunak. Hamargarrenaren bila, zortzi final bitxi, zortzi etorkizun; batzuk errealagoak, besteak utopikoagoak.
Zapla!
"Zapla!" podcasta, Euskaltzaleen Topaguneak, Euskaraldiaren testuinguruan, hizkuntza ohiturak aldatu eta euskarazko praktika linguistikoak indartzeko eskura jartzen dizun tresna da. Monika Belastegi eta Juankruz Lakastak gidatuta, belarriprest eta ahobizi modura ari diren guztientzat lagungarri izan nahi du.
Fakirraren ahotsa
Zer egin dohain bat daukazunean? Erabili, munduari eskaini, eta trukean, arreta jasotzera ohitu. Horixe egiten du Imanol Lurgainek bere ahotsarekin, kantagintza konprometitua besarkatu eta frankismoaren kontra borrokan hasi, “Fakirra” goitizenarekin. Baina, ahotsarekin batera aldatuz joango da bere ikuspegia eta bidaideekiko harremana ere. Borroka armatua, klandestinitatea, erbeste paristarra..., mundua iraultzen saiatu zen belaunaldi baten erretratua da lau hamarkadatan zehar.
Zuzia irenstean erretzen ez dena da Fakirra, minari eztarrian behera bultzatzen diona. Zein ote du benetako ahotsa?
Susak 2018an egindako argitalpenetik eskaintzen dizu audioliburua EITB Mediak.
Egia gordinetik
"Egia gordinetik" soinu-fikzioak Mari Sagarzazu neska gaztearen bizitzaren pasarte bat kontatzen du. Marik bere baserri munduko mugak zabaltzeko beharra sentitzen du eta aktore izatea du amets. Helburu hori lortzeko asmoz eraikitako bidean, oztopo eta amildegi latzak bizi beharko ditu. Baina baita une zirraragarri eta gozo askoak ere ibilera horretan gurutzatuko zaizkion lagun zintzoei esker.
Ikasketak, lana, inbidia, estutasunak, laguntasuna… Banbalina arteko amodio istorioa eta gehiago!
Lo potolo
Lotara joatea errazteko ipuinak dira "Lo potolo". Gurasoek haurrekin batera gozatzeko poema, jolas eta egitura erritmikoak, egunez ere baliagarriak. Ahots ezagunek irakurritako audioliburua.