3. Prestatu eta ekin!
Hiztunak ahalduntzeko tailerretan lantzen diren hainbat baliabide ezagutu ditugu "Zapla!" podcastaren hirugarren atalean.
TELP tailerrak gidatzen urteak daramatzan Inaxio Usarralde hizkuntza aholkulariak eskaini dizkigu baliabide horiek. Eta June Fernandez kazetaria ere izan dugu atal honetan, bere hizkuntza hautuak noiz eta nola egin dituen azaltzen.
"Zapla!" podcasta, Euskararen Topaguneak, Euskaraldiaren testuinguruan, hizkuntza ohiturak aldatu eta euskarazko praktika linguistikoak indartzeko tresna da.
4. Erabilera erosorako guneak
Hiztunek euskara praktikatzeko gune babestuak izateak duen garrantzia landu dugu "Zapla!" podcastaren laugarren atalean.
Era guztietako entitateek gune horiek sortzeko eman ditzaketen urratsak zeintzuk diren azaldu digu Elhuyar aholkularitzako eragilea den Maddi Etxebarriak. Bi testigantza ere jaso ditugu atal honetan. Batetik, Puntueus fundazioko Lorea Arakistainek interneten egiten ditugun hizkuntza hautuak aipatu dizkigu. Eta bestetik, Su ta Gar taldeko Aitor Gorosabel bere hizkuntza hautuen gainean aritu zaigu.
"Zapla!" podcasta, Euskararen Topaguneak, Euskaraldiaren testuinguruan, hizkuntza ohiturak aldatu eta euskarazko praktika linguistikoak indartzeko tresna da.
2. Euskaldun baten hizkuntza bidaia
Hizkuntza bidaia egiten lagungarri izan daitezkeen ahalduntze taldeak eta euskaldunon ahalduntze eskolak izan ditugu "Zapla!" podcastaren bigarren ataleko aztergai nagusiak. Tolosaldean egindako lehen bi esperientzien gainean aritu zaigu Imanol Artola "Felix" elkarrizketa nagusian.
Mikel Martinez aktoreak ere bere hizkuntza bidaia kontatu digu eta bidaia horretan zehar egindako hizkuntza hautuak azaldu, bide batez.
"Zapla!" podcasta, Euskararen Topaguneak, Euskaraldiaren testuinguruan, hizkuntza ohiturak aldatu eta euskarazko praktika linguistikoak indartzeko tresna da.
1. Hain nekeza al da euskaldun izatea?
"Zapla!" podcastaren lehen atalean, portaerak baldintzatzen dituzten egoeren inguruan aritu gara. Horretarako, Gemma Sangines psikologo bilbotarrarekin estres linguistikoa zer den eta nola eragiten duen aztertu dugu. Sumisio linguistikoaz eta hizkuntza asertibitateaz ere aritu gara. Juan Ignacio Perez Iglesiasek berriz, bere bizitzan zehar egindako hizkuntza hautuak azaldu dizkigu.
"Zapla!" podcasta, Euskararen Topaguneak, Euskaraldiaren testuinguruan, hizkuntza ohiturak aldatu eta euskarazko praktika linguistikoak indartzeko tresna da.
4. Erabilera erosorako guneak
2. Euskaldun baten hizkuntza bidaia
1. Hain nekeza al da euskaldun izatea?
Iradokizunak
Zapla!
"Zapla!" podcasta, Euskaltzaleen Topaguneak, Euskaraldiaren testuinguruan, hizkuntza ohiturak aldatu eta euskarazko praktika linguistikoak indartzeko eskura jartzen dizun tresna da. Monika Belastegi eta Juankruz Lakastak gidatuta, belarriprest eta ahobizi modura ari diren guztientzat lagungarri izan nahi du.
Sara eta Paul: Transformerrak
Sara eta Paul nerabezaroan murgildu dira. Bizi esperientzia berriak, erronka berriak, lagun berriak… Mario, brasildar mutiko beltza, eta Izar, gitarra jole eta abeslaria, ezagutuko dituzte. Udako oporretan, elkartu eta musika taldea sortuko dute. Eta bidean, jakina, makina bat buruhauste eta komeria biziko dituzte. Amodio istorioak tarteko. Aniztasun eta berdintasunean, beti.
Sara eta Paul: Denok elkarrekin!
Sara, Paul, Izar eta Marioren arteko harremana aldatu egin da ikasturte honetan. Sarak eta Izarrek, eskola berean jarraitzen dute, eta jakina, lagunak dira. Baina mutilekiko harremana aldatu egin da. Mariok, herrian jarraitzen du, baina eskolaz aldatu da eta lagunez ere bai. Nola nahi, Paulena da aldaketa handiena. Aragoiko herri txiki batera joan behar izan du bizitzera, amak eta haren bikotekideak jatetxea zabaldu dutelako bertan.
Paul ez dago gustura aldaketarekin. Amarekin haserre, eskolakideekin haserre, amaren bikotekidearekin haserre; bere buruarekin haserre bizi da.
#10garrena
"#10garrena" fikziozko serie distopikoa da Bertsolaritza ardatz hartuta. Bederatzi izan dira orain arteko bertsolari txapeldunak. Hamargarrenaren bila, zortzi final bitxi, zortzi etorkizun; batzuk errealagoak, besteak utopikoagoak.
Sara eta Paul: Abenturak
Sara eta Paul Lehen Hezkuntzako bi lagun dira. Sara, neska itsua, adimen handikoa, eta Paul, bullyingaren biktima; hitz totela, hortzeria itsusikoa, guraso dibortziatuen seme bakarra, baina, mutil dibertigarri eta baikorra. Bizikidetza inklusiboa sustatzen dute, gizarteak eskaintzen duen "arrakasta" ereduetatik urrunduz.
Bernando Atxagaren "Logalea zeukan ekilibristaren kasua" oinarri.
Kuku!
"Kuku!" etxeko txikienei eskainitako ipuin bilduma da, entzunez haurrari pentsatzeko bidea jarri nahi diona. Haurrak aniztasunean eta baloreetan hezteko tresna bat, entzumena landuz irudimena martxan jartzeko bideak eskura jarriz.
Egia gordinetik
"Egia gordinetik" soinu-fikzioak Mari Sagarzazu neska gaztearen bizitzaren pasarte bat kontatzen du. Marik bere baserri munduko mugak zabaltzeko beharra sentitzen du eta aktore izatea du amets. Helburu hori lortzeko asmoz eraikitako bidean, oztopo eta amildegi latzak bizi beharko ditu. Baina baita une zirraragarri eta gozo askoak ere ibilera horretan gurutzatuko zaizkion lagun zintzoei esker.
Ikasketak, lana, inbidia, estutasunak, laguntasuna… Banbalina arteko amodio istorioa eta gehiago!
Kuku!
"Kuku!" etxeko txikienei eskainitako ipuin bilduma da, entzun eta ikusteko. Haurrari pentsatzeko bidea jarri nahi dion ipuin bilduma. Haurrak aniztasunean eta baloreetan hezteko tresna, entzumena landuz eta irudi geldoekin, irudimena martxan jartzeko bidea eskura jarriz.
Fakirraren ahotsa
Zer egin dohain bat daukazunean? Erabili, munduari eskaini, eta trukean, arreta jasotzera ohitu. Horixe egiten du Imanol Lurgainek bere ahotsarekin, kantagintza konprometitua besarkatu eta frankismoaren kontra borrokan hasi, “Fakirra” goitizenarekin. Baina, ahotsarekin batera aldatuz joango da bere ikuspegia eta bidaideekiko harremana ere. Borroka armatua, klandestinitatea, erbeste paristarra..., mundua iraultzen saiatu zen belaunaldi baten erretratua da lau hamarkadatan zehar.
Zuzia irenstean erretzen ez dena da Fakirra, minari eztarrian behera bultzatzen diona. Zein ote du benetako ahotsa?
Susak 2018an egindako argitalpenetik eskaintzen dizu audioliburua EITB Mediak.
Twist
Soto eta Zeberio, bahitu, torturatu, hil eta desagerrarazi egin zituzten. Diego Lazkano idazleak gogoan betiko txertaturik daramatza bi lagunak, ezin ditu oroimenetik uxatu. Bi itzal haietatik elikatzen ari da hogeitaka urtetan, Soto eta Zeberioren ordez bizi ote den zalantzarekin, haien ordez bizitzea balitz bezala bere erantzukizuna. Bizitza bakarrean hiru bizitza bizitzea posible balitz bezala.
Norbere larrutik ihes egin eta larru berri bila itsumustuan dabilenaren desafioak, korapiloak, menturak kontatzen ditu Harkaitz Canok nobela honetan. Errua, maitasuna, traizioa, sexua, indarkeria, lotsa, justizia, erredentzioa, usurpazioa, antzezpena... asko dira kontakizun laster eta zabal honetako hariak, baina denen gainetik nagusitzen da adiskidetasunari egindako kantua.